PANTUN MINANG PENUH MAKNA

Kok jadih pai kapakan
Usah barangkek dihari sanjo
Sajak sibuyuang suko jo jantan
Banyak si upiak manangguang jomblo


Pai kabalai hari lah sanjo
Mambali gulo sarato saka
Dima ndak kamarasai hati jomblo
Mantan tacinto taruih takana


Hari sanjo nampak kangguru
Dakek batangnyo badiri
Usah dibaco acara tahun baru
Beko nan jomblo gantuang diri


Sawah lunto kota baro
Padang kota tacinto
Makanan anak kos yg paliang sero
Kopi sakarek jo bakwan duo


Tiok sabanta baco koran
Kalau pagi kito sarapan 
Tahun lalu jadikan pelajaran
Tahun depan jadikan harapan


Ado apo dihari sanjo?
Ado tukang galon maisi boto
Kalo tahun bisuak tuan masih jomblo
Mendingan tuan minum baygon sajo


Jikok hari lah laruik sanjo
Pai kalapau kito bagurau
Jikok hari jomblo sadang taibo
Ambiak Qur'an pai mangaji ka surau   
      

Makan tabu dihari sanjo
Dilarang dek urang tuo
Kok hiduik tabiaso dimanjo
Bekoh payah hiduik mahadok i dunia nyato


Cari kalikih kadalam rimbo
Makin dicari makin indak basuo
Anak gadih indak buliah kalua sanjo
Makin sanjo makin banyak setannyo


Kaparak mancari buah palo
Parak nan disubaliak batang tirih
Sajak mato ko kanai rabun sanjo
Nenek tacaliak bantuak anak gadih

Ditulis oleh : Suvriady Putra Philiang